云浮宝宝网
您正在浏览:主页 > 云浮本地资讯 >

云浮人的生活习惯,好多外省人都表示难以理解!

云浮宝宝网 最近更新:2017-09-11

正所谓“各处乡村各处例”,

每个地方都有自己一套,

固定嘅生活模式同生活习惯,

云浮也不例外。

 

 

而初到云浮嘅朋友,

可能觉得云浮人好奇怪,

点解食“煲仔饭”“油炸鬼”..

而且仲有一大堆不可思议嘅习俗... 

 

 

更恐怖嘅系,

系云浮人嘅感染下,

你都不知不觉咁跟住做...

 

例如以下哩19个云浮人嘅习惯,

有几个你系似曾熟悉的呢...

 

01、用茶水洗碗筷

 

云浮人出外食饭必备嘅神圣仪式,

唔理D碗筷有无事先消毒过,

坐低第一句,

“唔该靓女,比壶滚水!”

 

 

用筷子督开D塑胶纸,

用热水将D碗筷从头到尾洗一次,

我地云浮人先可以安心咁食饭。

 

 

 

02、斟茶必行叩指礼

 

唔理系长辈上级,亦或是自己嘅老死,

无论系边个,只要帮自己斟茶,

云浮人肯定用手指还“叩指礼”。

 

 

无任何语言,轻轻一个动作就代表感谢,

亦都系云浮有礼貌嘅表现。

 

 

03、中意老火靓汤

 

大家都一定饮过阿妈牌

“老火靓汤”

 

 

因为气候干燥原因,

煲靓汤系每个云浮阿妈必备嘅生活技能,

用料新鲜,时间长,

讲火候,仲要讲时节。

 

 

04、少食辣,饮凉茶

 

南方湿热,食辣好容易就会上火,

无论男女老少,一上火或者未上火,

就会自动自觉咁去饮翻杯凉茶。

 

 

虽然宜家好多云浮人都开始钟意食辣,

唯独不变嘅系,佢地依然都会饮凉茶。

 

 

05、无鸡不成宴

“无鸡不成欢,无鸡不成宴”,

鸡,系云浮人心目中有非一般嘅地位。

 

 

云浮食鸡更加系到咗执着嘅境界,

对鸡嘅品种、做法、出处都有讲究。

 

 

06、切勿用筷子敲碗

 

以前细个唔识嘢,用筷子敲碗,

俾阿妈闹到鬼咁,

一般乞丐先会敲筷子,

就连将筷子插系碗饭上都唔得,

话似“拜神”。

 

 

 

07、一盅两件

 

云浮人眼中嘅饮茶其实并唔系“饮茶”,

佢地钟意点一盅两件,吹吹水。

 

 

早上6、7点茶楼全部都系爷爷奶奶,

我地后生训到中午先舍得起身去饮茶。

 

 

08、唔中意收“银仔”

 

“银仔”即系普通话嘅“硬币”,

多数云浮人去买嘢都会讲,

“靓女,唔要银仔喔~” 

 

 

只要身上有“银仔”就想尽办法,

搭公交,买支水洗左佢。

 

 

09、我哋都睇TVB长大

 

除咗本地台之外,

云浮人睇得最多就系翡翠台,

《溏心风暴》我阿妈成日都提起。

 

 

《超级奖门人》

次次都睇到我阿爸笑唔停口,

 

 

好多80、90后都系睇TVB粤语配音嘅动漫大嘅

小编就系其中一个!

一放学就冲翻屋企,坐定定系部电视前!

 

 

 

10、中意食宵夜

 

云浮嘅夜晚,越夜越精彩,

街边大排档,啤一啤,一碟炒粉,

老友知己围埋一台,

你一杯我一杯,吹吹水,

云浮人话,系其他地方搵唔到哩种感觉。

 

 

 

11、过年一定行花街

 

“买个风车,转转运”,

云浮人行花街唔系为咗买花,

而係去感受下过年嘅热闹气氛,

新一年就系要热热闹闹咁先得。

 

 

 

12、“洗邋遢”

 

家传户晓嘅一句“年廿八,洗邋遢”,

一到年廿八,

云浮家家户户都会开始大扫除,

为新一年做好准备,

将唔好嘅嘢扫走,新一年要更加美好!

 

 

 

13、对饮食要求高

 

云浮人特别嘴刁,但系又咩都咁试咁食,

甚至为咗食好嘢,盘山涉水都在所不辞,

同时都钟意去街市,自己动手煮大餐。

 

 

 

14、食物名称都可闹人

 

除了对食有讲究之外,

云浮人亦都拥有强大嘅造词技术,

就连食物都可以“闹人”,“你条粉肠!”

 

 

一定听过阿妈闹人时候讲

“生旧叉烧好过生你!”

 

 

“成旧番薯咁,醒少少啦!”

 

 

“好似一碌葛咁”

 

 

仲有,“正一小学鸡”

 

 

 

15、都中意好意头

 

老一辈做咩都要讲意头,一直延续...

过年必有生菜(生财)、鱼(年年有余)

 

猪手就叫横财就手

 

 

福字一定要倒转贴

 

 

一对筷子都可以寓意为“快快生子”

 

 

16、都熟悉嘅童谣

 

“月光光,照地堂”,“落雨大,水浸街”

哩滴粤语童谣,

99%嘅云浮人都识唱!

细细个阿妈就系我地耳边唱住。

 

 

 

17、好少睇春晚,央视

 

云浮人好少睇央视,

听唔惯普通话同太正式,

就连春晚都好少睇,

个个都去晒行花街咯,

出街咁热闹,仲点会系屋企睇电视啊!

 

 

 

18、男女老少都称“靓”

 

无论你系老腊肉定系小鲜肉,

一律统称“靓仔”,

无论你系妙龄少女定系广场大妈,

一律统称“靓女”,

行系云浮街头,你就系靓仔/女!

 

 

 

19、坚守粤语文化

 

云浮人最中意讲嘅当然系白话啦!

同时仲会讲粤语文化发扬光大!

 

 

可能你会觉得云浮人不可思议,

云浮哩个地方好神奇,

不过,真真正正嘅云浮就系咁。

 

 

包容,真切,繁华嘅城市,

深爱住每一个云浮人,

同在云浮打拼的你,我们同饮西江水,

我们同样叫做“云浮人”

“ 我爱云浮”

 

 

部分图片来自:遇见云浮live,网络

整理:发现云浮